獲封滅罪之星　謝芷倫：曾經諗過考警察

藝人謝芷倫（Jan）積極參與康樂及文娛活動，更獲邀擔任滅罪之星，宣揚打擊罪案。Jan日前出席活動，除咗喺台上分享及呼籲大家多多支持外，更親力親為派發宣傳單張及紀念品，吸引到唔少一家大細嘅朋友上前合照，場面熱鬧。

Jan表示自己一直都好想利用藝人身份回饋社會，為社區出一分力，所以好開心有今次嘅機會，更大爆原來自己有考慮過做「陀槍師姐」：「自己以前有運動底，都曾經有諗過考警察，今次算係另一種方式圓夢，而我亦有唔少玩開運動嘅同學畢業後加入咗警隊，有時都幾羨慕佢哋。」