同馬國明反面!胡鴻鈞首次挑戰做奸角

20190223
東網電視
更多新聞短片
胡鴻鈞話今次同馬國明關係好唔同,一開始直頭係敵對關係!
歌手胡鴻鈞出席職安健活動,表示近日忙拍劇集《降魔的2.0》,昨日劇集開鏡拜神,很開心可以「一家團聚」:「上集拍已經係2、3年前嘅事,大家今次聚番,加埋有新演員,好溫馨嘅感覺。」他謂近日拍劇日夜顛倒,少了時間見家人和朋友,但因為工作大家都明白。他透露今次都是與馬國明多對手戲:「上次我哋係兄弟,今次個關係好唔同,雖然都係情,但一開始其實我哋係敵對關係。」
暫時未突破到石敢當
他亦指今次角色比上次難:「多層次啲,上次石敢當就係個古代人,所以天真啲、冇表情,但好有正義感,但今次就係亦正亦邪、奸奸地、講嘢Mean、乞人憎,但內心好人。(第一次演呢啲角色?)係新挑戰。(怕唔怕觀眾今次唔鍾意你?)冇刻意諗,我諗我暫時冇角色可以突破到石敢當,但冇諗咁多,其實拍第一集時都冇諗。」
唔想破壞人哋演唱會
他表示拍劇會到4月,問到當中可有時間支持好友許廷鏗及吳業坤的演唱會?他表示:「唔使開工一定會去。(會唔會上埋台唱歌?)佢哋請我都冇時間準備,唔想自己眼瞓又沙聲嘅狀態去破壞人哋嘅演唱會,所以我喺台下欣賞已經好開心。」
----------------------------
東網巨星開咗ig喇,大家快啲follow啦!