老婆未決定開刀定順產　展鵬拍住劇迎BB

無綫新劇《唐人街》演員陳展鵬、唐詩詠、王君馨、伍允龍、劉穎鏇、元秋等在將軍澳電視城拍攝外景。劇組搭出泰國場景，相當逼真，劇情則拍攝到陳展鵬與伍允龍為人妖吧開張舞獅。

陳展鵬透露今次新劇除了比以往打得更勁，還有從未試過的搞gag戲，好像劇中要扮性感人妖上台跳舞，他笑說：「都幾性感架，若隱若現，要攝嘢有啲「事業線」，拍得住啲港姐。（造型有冇畀老婆睇吓？）冇，但係佢好想嚟睇呢場戲。打戲都好多，直情要快、狠、準，劇本比平時少咗三分一，因為場場戲都寫住大打，觀眾會好鍾意呢啲效果。」

陳展鵬的太太單文柔預產期他正忙拍劇，但他指心情並不緊張，因已準備得七七八八，反而心情興奮。問到是否已向劇組度期陪伴太太生BB？他說：「劇組就冇問題，依家未決定順產定開刀，就算開刀都有機會早作動，所以預時間都冇用。（仔定女？）未講得住，英文名就諗咗用Q字頭，因為係我哋嘅P同R嘅中間，中文名就未諗。」