箱根自駕遊浸溫泉　何傲兒剝光豬怕尷尬

藝人何傲兒早前與閨蜜去日本箱根浸溫泉及自駕遊，豪情喪玩！由於去年長時間在內地工作，今次趁放假與朋友共度四日三夜，放鬆一下，由友人充當攝影師。為免尷尬，她們租住了一間可以在房內浸溫泉的套房，免得與陌生人肉帛相見。

問今年工作計劃？她表示主要在內地發展，在1月剛拍完內地網劇，而3月將為另一部電視劇開鏡，屆時需要留在北京幾個月，會開始物色居住地方。

發掘隱藏景點

提到她自家製作的網上旅遊節目《傲遊》系列在內地大受歡迎，問會否衝出香港介紹其他地方？她說：「呢個節目專門介紹一啲地道景點，唔係一般旅遊熱點，我哋計劃喺亞洲每個國家都搵出特別嘅地方，依家做緊資料搜集。希望呢個節目可以為愛旅行嘅人士提供多啲選擇，今次去日本箱根都係有呢個目的，既可休息，寓工作於娛樂。」