【无悔全裸】文凯玲想试悲情嘢要玩到最惨

曾在电影作性感演出的文凯玲（Connie）吸纳不少男Fans，近年她参演多套电视剧，演技多变，洗甩性感尤物的形象，她直言想挑战更复杂的角色如抑鬱症患者，尽力骚演技！

艺人Connie 2010年参选港姐入行，其后签约电影人王晶旗下，拍过不少电影及电视剧，戏路多变，于《鸭王2》全裸上阵，在剧集《赌城群英会》饰演宅女小南，到《冒险王卫斯理：支离人》则换上一头金色短发扮杀手，早前播出的《荷里活有个大老千》中，她饰演粤语片女星明珠，演活60年代的感觉，获得不少剧迷称赞。

讲到要扮演陈宝珠年代的角色，Connie直言演剧中的“戏中戏”时会特别参考当年的作品：“做法同平时有啲唔同，例如动作慢啲，讲嘢前加个‘A…’字，一Cut机个个都笑到碌地！大家拍得好开心，仲不停食，好在嗰个年代女仔兴圆润啲，唔使减肥！”她表示最难是拍该剧时刚好拍完《支离人》，故经常忘记要笑：“做杀手完全唔可以笑，嗰排都Cool咗，到拍《荷》剧时，导演不停提我‘笑多啲！你已经唔系杀手喇！’都花咗啲时间适应。而我其实系戴假发拍嘅，自己睇番觉得有啲‘的水’有穿崩，好在大家都唔觉。”

望挑战演技

不少网友期待Connie再有性感演出，今次《荷》剧中她亦有泳衣戏及扮兔女郎跳舞的戏份，她笑言其中一套泳衣已相当低胸，但男Fans当然未够喉。讲到曾于电影作超大胆演出，她直言不会后悔，但未必会再做：“唔会谂番转头，都冇得改，但OK嘅，冇当时嘅嘢又未必有其他机会，但系大家印象中我系比较性感，我想试啲新嘢，一路都较少演悲情角色，最想演情绪病、抑鬱呢啲考演技嘅角色。”讲到今年大计，Connie表示想学摄影：“向来影相唔多，都想记录多啲生活，以前觉得影得唔靓就冇再深究，依家想学，帮人或帮自己影都好。”

场地：南瀛水产／Barry@relaxdearhk

发型：Tin Ngai

化妆：K_y_o_makeup

服装：Lily Brown