千人盆菜宴！譚嘉荃鍾意聽老友記講古仔

歌手譚嘉荃（Amy）與漢洋一向為善最樂，除不時向有需要的老人家送暖之外，亦經常出席慈善活動，早年更加入「星濟義工團」，與李霖恩、黑妹等一齊行善，日前眾人便為慈善長者千人宴任演出嘉賓，Amy指當日天氣很寒冷並且還下着雨，但無阻他們跟一班老友記同歡：「晚宴好熱鬧，大家都好開心。有啲老人家平時都唔多出街，好難得咁多人一齊食盆菜，氣氛非常之好！」她直言平時都很喜歡跟公公婆婆相處：「可能因為我自細同婆婆一齊生活，所以好鍾意聽老人家講以前嘅故事，而且總係覺得佢哋嘅笑容好可愛。」