同锺珍出生入死　张家辉：佢会帮我挡子弹！

影帝张家辉于英皇电影《廉政风云 烟幕》内，有袁富华为他出生入死，然而现实生活中，自称宅男的家辉表示身边好友寥寥可数，不过约4、5年前签约经理人锺珍旗下后，二人关系一直亦师亦友，家辉笑指锺珍可算女中豪杰：“佢有时有‘雷’过啲男人，相信真系要帮我挡子弹嘅话，佢会系第一个冲出嚟！我哋步伐算一致、好有默契，已经唔止系经理人同艺人咁简单。”<br/><br/>说到圈中挚友，家辉不得不提“阿哥”张学友：“大家一直都识嘅，直至6、7年前喺个朋友派对内倾偈，大家深入了解，开始多咗联络。我细个睇佢嘅工作态度同待人接物，都影响咗我好多。我哋都唔系日日通电话，但太耐冇消息嘅话，佢会搵我、我又会搵吓佢咁。（想同学友合作？）冇得强求，有机会梗系好啦。”<br/><br/>谈到《廉》片内他的角色似操控一切，被导演麦兆辉形容为“控制狂”，家辉感激对方给予足够的自由发挥空间：“佢好细致，文戏主导。佢任由我发挥，但又有底线，所有嘢佢都有留意到，即使我嘅视线，佢有时都会提醒我。”