床戰幾粒鐘 湯怡被陳家樂奪第一次嗌攰

2019年03月03日 13:00
東網電視
更多新聞短片
Kathy喺英皇新戲獻上從影以來最激一次!

藝人湯怡(Kathy)在英皇電影《廉政風雲 煙幕》中飾演廉政專員,對上司劉青雲的查案手法存疑之餘,更被要求做踩界之事,內心相當交戰。而她在另一部英皇電影《死因無可疑》中,再次衝破心理關口獻上最激一次,和緋聞男友陳家樂拍攝長達幾個鐘的床戲,兩人又錫又摸,還有高難度動作,她坦言:「畀咗第一次家樂,拍到好攰。」

Kathy在《死》片中和林嘉欣再結片緣,還有其他演員如黃秋生,最難忘是跟扮演情人的家樂一場激情床戲:「剪埋都有約兩分鐘嘅床戲,由地下開始,搞到凌空再上床,有摸有錫嘅,有少少攰。(唔係男仔攰啲?)點解男仔會攰啲呢?女仔都攰。(你蝕底晒喎?)唔好咁講,可能蝕底嗰個係我啦,唔係,蝕底嗰個係佢,哈哈。」她雖和家樂私下是好友,但首次拍親熱戲都有點尷尬,不過自感人大了要作新嘗試。問是否和洪卓立分手後,單身可更放?她直認:「所以豁出去囉。」

笑陳家樂經驗豐富

問和家樂拍床戲可擔心緋聞傳得更厲害?Kathy表示不會:「如果係嘅,唔使十幾年後先至傳啦!(緋聞)死因無可疑,佢有咁多緋聞女友,我只係其中一個。」其後又指家樂相當貼心,拍前送了漱口水,又笑他:「佢經驗太豐富喇,不過拍得開心,可以同靚仔拍喎。」

講到在電影上的終極底線,她坦言可接收全裸,但要視乎劇本、導演:「全裸有啲都拍得好靚,會先考慮背部全裸,我隨時ready㗎。」問她最理想的對手?她情傾大師兄謝霆鋒:「因為我係聽霆鋒啲歌大,雖然同公司,但未合作過,覺得佢好型、好man,我唔介意全裸,只怕霆鋒介意啫。」