情人節娶細37年老婆　69歲黃玉郎再做爸爸

現年69歲的黃玉郎今年情人節低調再婚，娶年輕37年的圈外女友Cass，新婚未夠一個月，有傳Cass已經懷孕，黃玉郎可謂有心有力，將再榮升第五任爸爸！黃玉郎接受東網訪問時承認喜訊：「太太有咗幾個月。（係咪佗仔？）當你估中啦！一直都想生個豬仔，Cass都好鍾意仔，我哋兩年前都已經訂咗婚，但有高人指點話上年九月唔利我哋，所以推遲到豬年之後，而2月14日情人節結婚，一嚟好記又浪漫，送禮物又可以合併。（慳番好多？）慳唔慳就未必，但一定會記得囉！」

問到當日婚禮如何？他指婚禮好簡單，好低調，只是和家人食飯擺了四圍酒席，有律師證婚及簽字儀式，他補充：「其實我哋都訂咗婚兩年，情人節嗰日結婚係好日嚟嘅。」至於BB幾時出世，他就表示想低調，不肯透露。

黃玉郎再於微博晒出與老婆的合照，見他剃去招牌鬍鬚及畫上黃小虎粗眉，非常搞笑，他留言：「這些年她無私的愛填滿了整個我，心裏十分踏實，我不禁常暗自竊喜：『遇上她，真好運！』更感恩上天在我這把年紀，還賜予一份我倆期盼已久的禮物~Royce快做哥哥了，希望將來黃小豬！能幫忙照顧哥哥啊！」

----------------------------

東網巨星開咗ig喇，大家快啲follow啦！

https://bit.ly/2JjSVcr