志不在港？王慧媛吳雅珠選完華姐即走人

出爐華姐冠軍陳曉華（Hera）、亞軍王慧媛、季軍吳雅珠及「友誼小姐」鄭子怡出席珠寶贊助后冠及權仗頒贈儀式活動。Hera透露昨晚賽後即返酒店與佳麗們食自助餐慶祝，雖然未能與父母一起，但也有透過短訊通話，問到奪冠後的獎品將如何分配？她說：「都未知有咩獎品，但后冠同權杖會交畀父母處理，唔會擺喺屋企。」更指現時最想休息，要養好身體應付連串活動。問到賽後可有重溫比賽片段？Hera表示：「有，想睇自己才藝表演部份失手係咪好明顯，不過都覺得今次表現比選港姐時好，唔會太緊張。」

而亞軍王慧媛則表示由於應付比賽太疲累，故回到酒店房間便很快睡着，更指將於日內離港，問到可想在港發展？她說：「都想，覺得香港會多啲機會，不過要學識廣東話，依家識聽少少。（之前講過食10個漢堡包慶祝？）我嘗試一下，以前試過最多食6盤意大利粉，食完好眼瞓。（唔驚嚇親男仔？）如果係勇敢嘅男仔就唔會怕。」

至於季軍吳雅珠被問到於社交平台晒噴血泳裝，她笑說：「我覺得這個泳裝穿得不錯，但應該不會keep身材，實在太累，現在只想吃好一點，不理體重問題，最想吃火鍋。」更指將返廣東老家休息，稍後便啟程紐約繼續修讀牙科課程：「我在想將來發展事情，之前為比賽已停了一個學期，如果繼續牙科要多讀5、6年，所以還未決定。」