師生戀！陸駿光同陳漢娜大膽親熱任人?

由影壇新貴陳漢娜（Hanna）、陸駿光、李任燊和林善主演的電影《G殺》即將上映，日前四位一同受訪，陸駿光表示在戲中飾演老師，另外三位飾演學生，與他們都有對手戲，其中與Hanna更發展師生戀，亦與對方後母有撲朔迷離的關係，直至最後因角色背負宗教信仰所以崩潰，電影想帶出社會敏感的話題，希望大家有所反思。Hanna飾演家庭複雜的學生，講到她與陸駿光有口交等大膽親熱場面，兩人表示那場戲是分開拍攝，陸駿光笑言拍那場戲的反應尷尬：「在場啲人仲要好近咁眼定定望住我，我呆咗。」Hanna表示尷尬：「因為未熟，睇劇本嗰陣都見到有啲對白幾露骨，所以點樣處理場戲講得唔核突都幾難。」

李任燊就飾演患有亞氏保加症的學生，與Hanna較多對手戲，兩人亦有一些「激情」戲，他說：「係指情緒激動嘅戲，我哋心靈比較密切，當Hanna發生咗一啲事情後，我會心痛、戥佢唔抵、抓狂。」而林善就飾演一個被孤立但有音樂天分的學生，又笑言戲中暗戀Hanna，但就是宅男：「見到佢但唔敢接近佢。（你拍戲嗰陣有冇真係鍾意咗佢？）有囉，依家就冇，因為少見咗。」他又謂電影一開始就是他拉大提琴，自己從小學就開始學。講到他憑角色入圍金像獎「最佳新演員」，問到可有信心？他說：「冇，因為有好強嘅對手，自己嘅經驗最淺，今次係我第一次正式演出，之前冇上過堂學表演，所以唔會覺得我會贏。」

陸駿光髮型及化妝：K_y_o_makeup

造型：Cedric Lau

李任燊服裝：COS