盡量唔畀仔女上網!陳豪落力防恐怖Momo

2019年03月03日 23:00
東網電視
更多新聞短片
陳豪今晚出席慈善餐舞會活動。

藝人陳豪出席慈善餐舞會活動,他透露會在舞會上獻唱金曲:「唱兩首英文,一首中文,其中一首金曲係《天與地》嗰首《年少無知》。(有冇對住老婆練歌?)冇喎,因為時間比較倉促,同埋唱歌呢,自己話晒都係半個歌手出身,所以都有信心。(咁太太係咪你歌迷?)講笑啫,我唔係成日唱歌。多數為咗登台表演先唱,三首起五首止。(兒歌得唔得呀?)依家梗係要啦!囡囡不知幾鍾意唱歌,佢咩語言都鍾意唱,國語仲好過我。」

提到近日恐怖Momo入侵學界,他謂現在家長要打醒十二分精神:「好彩我知呢件事,咁我可以注意吓。喺呢方面我哋都好小心,因為小朋友仲好細,如果佢哋睇到呢啲嘢,留下唔好嘅印象而成日發噩夢,咁對佢將來發展都唔好。我希望小朋友有個開心同光亮嘅將來,作為家長,就盡量唔好畀小朋友上網睇嘢。」