周沛言勁歌熱舞　童星趙啟嵐化身魔術師

藝人周沛言（Priscilla）向來積極參與社會服務，繼去年聖誕節孖住老公夫妻檔探訪老人院，近日佢就聯同童星趙啟嵐（Matt）出席活動，齊齊表演助興。Priscilla送上勁歌熱舞，而Matt則化身魔術師大變各式各樣嘅魔術，氹到在場嘅公公婆婆非常開心。Priscilla透露嚟緊喺工作上有新嘅挑戰，故最近都積極閉關特訓：「好開心今年有老闆支持，嚟緊有機會開音樂會，所以我呢排都不斷練歌練舞，到時會大跳性感嘅椅子舞，希望帶畀大家新鮮感。」佢續指有意向電影方面發展，並計劃做打女角色挑戰自己。