【老公视角】人妻解放！李彩华蜜月晒水着

艺人李彩华（Rain）上月趁情人节公布喜讯，宣布同拍拖半年嘅内地男友Eric Huang已于2月2日喺内地领证结婚，“升呢”做幸福少奶奶。

新婚嘅Rain呢日嚟个人妻大解放，喺社交网上载几张水着相，见佢身处阳光与海滩嘅地方，似系同老公度紧蜜月，Rain大晒恩爱留言话：“老公的角度”，相中Eric拖实老婆只手，仲影住老婆个样，得只左手同金表出镜，而Rain手上嘅婚戒亦好抢眼！另外一张相内，Eric同样拖住老婆只手，不过呢次Rain除走身上嘅外套，以比坚尼上阵，虽然得侧面，但都好吸睛，最后一张相Rain就瞓喺巨型水泡上，不知几写意。佢两公婆玩得咁开心，唔知会唔会两个去三个返呢？