粉碎退出疑雲！佗B趙麗穎加盟李冰冰公司

現正停工養胎嘅內地女星趙麗穎，早前被問到復出安排時，佢刻意避談指順其自然，即引起外界摧測佢有意退出。不過粉絲們唔使擔心，因為佢今日終於有工作動向嘅好消息宣布。呢日由內地女星李冰冰有份創辦嘅和頌傳媒公司正式成立官方微博，仲宣布趙麗穎加盟嘅消息。

趙麗穎隨後亦轉發有關發文，留言：「未來，讓我們繼續用簡單的心做些不簡單的事。」至於身為公司創辦人之一嘅李冰冰，發文歡迎呢位新拍檔：「歡迎麗穎，我們和頌的新合夥人，一起工作一起玩耍！」