囡囡被認錯做仔!賈曉晨無奈:是小美女

20190305
東網電視
更多新聞短片
正所謂「女大十八變」,JJ又唔使太擔心!
藝人賈曉晨(JJ)不時喺社交網大晒囡囡「小飯兜」嘅成長點滴,現時1歲多大嘅「小飯兜」眼仔睩睩,真係愈大愈可愛!不過唔知係咪佢頭髮短,同埋成日着褲仔示人嘅關係,竟然接二連三畀人認錯做男仔!
呢日,JJ晒出一張囡囡坐喺購物車上嘅近照,相中見佢着上牛仔褸配黑色長褲,驟眼睇真係有少少似男仔,難怪有店員唔小心認錯,叫咗「小飯兜」做「小帥哥」,搞到JJ只好無奈地回應對方:「是小美女,謝謝…」其實「小飯兜」已經唔係第一次畀人認錯做男仔,之前佢就試過畀人讚佢「好靚仔」,結果搞到嬲爆爆咁,相當搞笑!