戰勝心魔爆喊!麥兆輝失手「拍死」張家輝

2019年03月05日 13:00
東網電視
更多新聞短片
麥兆輝話自己喺《廉政風雲 煙幕》有一個失手位!

導演麥兆輝拍片經驗豐富,其執導的英皇電影《廉政風雲 煙幕》更被讚劇情緊張刺激,該片於澳洲雪山拍攝,除了令電影掀起其中一個高潮外,原來背後亦成功令麥兆輝戰勝多年來懼怕拍雪山戲的心魔:「唔知大家仲記唔記得,我拍過一套戲叫《願望樹》,去咗日本雪山取景,當年票房同口碑都奇差,令我明白唔係靚人、靚景加浪漫就一定行得通,故事連自己都唔相信就唔Work!呢個心結直到我今次拉隊去悉尼雪山開工,抵埗我就知自己唔再驚雪山,而我特別將呢場戲壓到去最後先拍,完成所有拍攝後,我真係喊咗出嚟!」

今次《廉》片的成功,令麥兆輝解開心結,但原來他仍覺得《廉》片有些地方可以做得更好,對自己要求甚高,好似該片尾段的一場雪山暗殺戲,袁富華代好友張家輝「送死」,劇情相當緊湊,但他卻覺得「出咗事」:「真係估唔到,袁富華一個近距離特寫,好多人睇完竟然以為係張家輝,就連影評人都問『究竟張家輝有冇死到?』呢樣嘢我覺得有啲失敗,自己忽略咗重點,原來兩個人着同一套衫,好容易出現『先入為主』嘅情況。如果早知係咁,我會寧願剪咗個鏡頭,唔想有咁嘅影響。」

《廉》上映至今,累積票房已達3,117萬,成績斐然!