惊喜！王梓轩铜锣湾街头大嗌：我爱蔡思贝

歌手王梓轩早前喺铜锣湾街头当住数百人大声呼喊：“思贝，喺呢个突然寒冷嘅日子，我嚟到你指定嘅地点，铜锣湾呢个交界，准备呐喊、大声嗌出我最爱嘅嘢系乜嘢呢？我依家唔讲住，因为我想畀一个惊喜你。”之后梓轩就滔滔不绝话：“我爱蔡思贝（Sisley），I love you Sisley！思贝我锺意你感性得嚟又爽朗，怕丑得嚟又豪迈，傻得嚟又好有智慧，嗲得嚟又好够兄弟，好对唔住！你生日我唔能够同你庆祝，我想借呢个机会同现场嘅朋友唱首生日歌你听。”

梓轩大胆表白，其实是接受蔡思贝的Challenge，思贝听过梓轩嘅新歌《边缘引力》后，觉得好好听而且歌词好有意思，思贝话：“喺漆黑中唔好气馁，要爱得有勇气，所以我嘅Challenge就请你喺铜锣湾人来人往嘅马路十字路口中间，好大声咁向全世界宣布，你至爱系乜嘢？”对于思贝嘅Challenge，梓轩冇畏惧，更趁不用排练舞台剧时立即“迎战”！

梓轩话：“谂谂吓大家咁老友，不如玩大啲啦！咁我又连续两年Miss咗同佢庆祝生日，不如借呢个机会当众去歌颂佢，原来玩咁大真系会淆底，因为一来都有少少惊人哋误会，亦都惊Sisley本人误会，二来又真系冇前文后理企咗出去大庭广众开咪咁讲，我Busking都冇咁惊，就咁讲真系有啲惊，现场有同事打气支持，我都系要等红绿灯，一绿灯多啲人过嚟我先讲呀！好彩有拍外景嘅经验，最后都克服咗，最希望Sisley睇到个挑战，咁有创意、咁有诚意，佢会开心啦！（系咪一Take过呢？)”系呀！呢啲Take唔到第二次。”