有入就有出!方中信孖發哥跑山Keep Body

2019年03月07日 13:00
東網電視
更多新聞短片
方中信同發哥合作新戲。

藝人方中信客串演出英皇電影《廉政風雲 煙幕》。短短幾場戲已教人留下深刻印象,已多次與導演麥兆輝合作的他,直言雙方互信度十足,而今次有機會再結片緣,自然駕輕就熟。談到續集《黑幕》題材與《竊聽風雲3》異曲同工,方中信坦言不會過問太多:「交畀麥導處理啦,最緊要係合適啫,佢叫我埋位就埋囉。」

開工前約發哥跑山

近日忙於與周潤發(發哥)合作拍新戲的他,透露自己寓工作於娛樂:「澳門外景戲份就拍晒嘞,估唔到返香港開工先大鑊,日日被美食吸引,發哥喺片場請大家食好嘢喎,我真係試過食到頂住個胃。有日我拍到好攰,諗住坐喺張櫈度眠一眠,本來睡姿係翹住雙手嘅,點知瞓瞓吓覺得好唔舒服紮醒,先知原來係雙手壓住個胃出事!」他又指與周潤發開工,除了食之外,最開心是結伴跑山:「有『入』就要有『出』啦,有時開工前會約跑山先嘅,尤其呢排食得咁多,我試過凌晨五點起身跑一輪先去片場開工,依家識到好多晨運客,大多係公公婆婆,最年輕可能係我嘞。」

對於方中信的演出,麥導讚口不絕﹕「識咗佢20年嘞,方中信係一位相當穩陣、愈嚟愈有魅力兼且愈嚟愈好嘅演員。問心講我套套戲都預佢,咁好嘅演員點會唔想合作,只要角色適合又點會漏咗佢呢?」