抗癌失味覺　蘇施黃班栗子蛋糕冧金燕玲

曾多次獲得香港電影金像獎和台灣電影金馬獎「最佳女配角」的女星金燕玲，罕有主動現身好友蘇施黃主持的電台節目，公開力抗子宮癌經過……

開刀把癌腫瘤切除後，金燕玲才通知在台灣開餐廳的胞妹來港陪她：「我妹妹同姨甥去咗韓國旅行，佢哋返嚟就第一時間睇我，我鍾意阿妹陪我多啲，佢冇咁忟憎，阿蘇都好好，唔好誤會佢，不過我妹妹喺台灣做餐廳，第一次嚟香港咁耐，我哋兩姊妹幾十年嚟第一次傾咁多日偈。」

金燕鈴又表示化療要做六次，一早已經知道會好辛苦：「以前有個朋友試過，我問佢點辛苦，佢話生不如死。」阿蘇補充：「當時佢乜都唔啱，同埋唔好喺佢面前食嘢，佢會話好大陣味，聞到都想嘔，好似大肚婆咁。情人節嗰日，佢話要食栗子蛋糕，仲指明嗰間，但係要訂都要隔一日，我就打畀我好朋友，叫佢幫我班喺嗰度訂栗子蛋糕，點知真係班到，叫我三點鐘去攞！我哋情人節就喺度食栗子蛋糕，呢個蛋糕係佢患病之後第一次食嘢話好味、第一次唔鬧人。」

金燕玲話今次令佢知道好多人好錫自己，想食乜就有人送嚟我屋企，她亦謂:「我唔想食都要食，因為我要Fight（戰鬥）。」