為藝術犧牲　蔡卓妍試過拍戲零片酬

藝人蔡卓妍（阿Sa）晚上到中環為主演的英皇電影《非分熟女》謝票，吸引大批粉絲到場支持，場面熱鬧。談到潮流興謝票，阿Sa笑謂：「最難忘係之前《原諒他77次》，謝票謝足77場，有粉絲當演唱會咁場場睇！其實以前都試過返工時間去謝票，只係坐咗幾行觀眾，場面冷清。（嘥心機？）唔可以咁講，學啲前輩話齋，得一個觀眾都要多謝佢。」

由於今次《非》製作費有限，阿Sa坦言：「冇理由我片酬佔咗一半製作費嘅，所以今次只係比《雛妓》多少少，想支持吓。（試過拍戲零片酬？）客串嗰啲，攞封利是100蚊當車馬費，利利是是冇所謂，我覺得拍戲其實唔係賺錢工具。」她坦言《非》並非商業電影，故票房「夠交代」已心滿意足。

對於被傳有意與男友於年底結婚，阿Sa表示：「公司幫我否認咗，總之暫時未有打算。（求咗婚？）未喎，兩個人去到某個位應該有共識嘅。」