【娛子醬】盤點歷屆華姐！嚴選7位最索冠軍
20190309
東網電視
更多新聞短片
呢7位華姐冠軍，係咪大家心水呢？
《2019國際中華小姐競選》早前於電視城舉行，應屆港姐冠軍陳曉華成為雙料冠軍，其實歷屆華姐都誕生咗唔少「女神」，依家就同大家盤點吓過去7位索爆華姐冠軍！
1.1988年 李嘉欣
大美人李嘉欣係1988年香港小姐冠軍，亦係首屆華姐冠軍，多年嚟均被譽為「最美港姐」嘅嘉欣，絕對係實至名歸。大美人當選後隨即加入娛樂圈，憑着索爆面孔迅速走紅，而且多年來緋聞不絕，每單戀情都轟動娛圈！到2006年，李嘉欣終於搵到好歸宿，同許晉亨高調公開承認戀情，08年11月，二人喺許晉亨父親別墅中舉行婚宴，正式嫁入豪門。而2011年2月，李嘉欣誕下兒子許建彤（Jayden Max），一家三口經常放閃，羨煞旁人！而大美人婚後仍努力Keep Fit，身材樣貌廿年如一日咁正！
2.1993年 鍾麗緹
鍾麗緹於93年擊敗盧淑儀同謝綺玲奪冠，94年即被周星馳睇中邀請拍電影《破壞之王》，盛傳當年星爺力追女方，不過，鍾麗緹於1998年下嫁外籍丈夫Glen Ross，育有一女Yasmeen Ross，但於2002年離婚。03年，鍾麗緹與台灣音樂製作人嚴錚結婚，並於2008年誕下第二個女兒張敏鈞（Jaden），再於2010年2月，第三個女兒張凱琳（Cayla）於北京出生，可惜2011年二人最終離婚。經歷兩次婚姻失敗後，鍾麗緹未有氣餒反而愈愛愈勇，拍攝內地真人騷《如果愛》同細佢12年的大陸演員張倫碩發展姐弟戀，後來張倫碩更喺節目中驚喜下跪求婚，二人婚後好恩愛！
3.2000年 郭羨妮
1999年郭羨妮以大熱姿態贏港姐冠軍、「最上鏡小姐」、「國際親善小姐」同「千禧才智小姐」四獎。2000年，代表香港參選國際華裔小姐競選，亦順利取得冠軍，係繼1988年度香港代表李嘉欣贏得國際中華小姐競選冠軍後，第二位香港代表奪冠！郭羨妮其後加入TVB拍劇，01年拍攝古裝劇《尋秦記》一人分飾兩角，分別演現代少女同秦國才女，並憑此劇走紅。之後拍咗大量古裝片，2011年與內地動作導演朱少杰結婚，翌年誕下一女Kylie。2015年郭羨妮離開TVB後減少幕前演出專心湊女，只係間中返大陸出席商演活動，又或者拍吓港台劇集過戲癮。
4.2004年 鍾嘉欣
鍾嘉欣2004年擊敗曹敏莉同洪巧玲贏得華姐冠軍，而嘉欣BB形象親民討好，即被TVB簽下並成為花旦！嘉欣BB在無綫多年，多次獲傳媒及網民支持取得「民選視后」，其中2013年於《玩嘢王》爆喊場面，博得全港觀眾歡心，演技備受肯定！
5.2005年 李亞男
李亞男於2005年代表溫哥華出戰，成功擊敗當年大熱門陳法拉，拿下國際中華小姐冠軍，即留港發展。雖然事業發展平平，感情生活亦非多姿多采，但卻成功找到一個絕世好老公王祖藍，老公雖然在大陸吃得開，忙到見面時間不多，但婚後一樣恩愛，最近更成功造人，生了一位小公主！
6.2009年 苟芸慧
苟芸慧係09年的國際中華小姐冠軍。初出道時樣子甜美，盡得網民歡心！點知後來因水腫問題，體重激增至180磅，幸而休養後已冇肥腫問題，回復索爆身形及靚樣！2018年更下嫁陸漢洋，最近更恨生小朋友恨到出口，組織幸福小家庭！
7.2010年 岑麗香
已成為人妻的宅男女神岑麗香，係2010年華姐冠軍。香香唔止樣靚身材正，更擁有時裝設計學士、市場管理學士以及人力資源學士的文憑，認真美貌與智慧並重！前年岑麗香嫁給強強，成為幸福人妻，最近更拍大肚寫真，臨盆在即，一樣甜美。