菊梓喬望坐譚嘉儀車尾玩飄移

歌手菊梓喬（Hana）出席無綫慈善節目《博愛歡樂傳萬家》啟動禮，對於同公司的譚嘉儀鍾情揸電單車，她自認細膽怕受傷，故從沒想過考電單車牌，更謂：「我搞唔掂呢個挑戰，所以都係坐嘉儀車尾算啦！希望佢帶我飄移，平時見佢啲相好型，片車片到好低。」

談到有份獻唱大陸劇《皓鑭傳》本地主題曲，Hana笑指身邊朋友中劇毒不停煲劇，還不停大讚好睇，令她心癢癢想開始追劇：「我有睇到網上劇透同啲評論，好想即係追，但我係會唔瞓一路煲劇嗰種，所以要忍到做晒手頭工作先得，過埋呢幾個星期得閒，就可以展開煲劇生涯嘞！」