讀Local學校！陳柏宇想囡囡學中文

歌手陳柏宇（Jason）和朱薰任ViuTV節目主持，並請來朱薰老公譚健榮和他的孿生哥哥、樂隊Mr.成員Dash做嘉賓，玩常識問題遊戲，而Jason自嘲因為口才差，背稿差，所以主持能力低。講到將來女兒是否讀國際學校，因不用死讀背書？Jason說：「因為個女將來都會返加拿大讀書，所以預計小學前都畀佢讀Local學校，畀佢有個對比，又可以讀吓中文適應吓。」到時可會教阿女功課？他謂：「功課會有老師教，反而會去搵邊種方式啱阿女，希望佢有佢自己一種自學模式。」

問到Dash於3月17日Mr.有份和謝霆鋒演出音樂節？他稱會和其中一個樂隊有合作，但其他就未能透露。而他謂女兒和Jason的女兒原來都差不多同期出世，所以，都想兩個女兒見下面，將來可能一齊夾Band不定。講到戶外搞騷，Dash和阿榮稱香港演出的戶外場地不多，應發掘更多場地，他們更忽發奇想提議可去工業邨的露天停車場開騷，可以提升音樂工業，做一個工業邨巡迴演出。