冇諗過拉票!阿Sa最想攞唔係影后

2019年03月10日 20:30
東網電視
更多新聞短片
到底阿Sa最想攞咩獎?

蔡卓妍憑英皇電影《非分熟女》獲得本屆金像獎提名「最佳女主角」,她晚上出席導演會晚宴時,被問到會否趁機向同業拉票,她說:「拉到嘅咩?如果係當年《雛妓》都得啦,咁樣好老土,我係型人嘛!(覺得唔好意思?)係呀,但都會盡可能叫人捧場睇戲嘅。(今次信心大過《雛妓》?)屆屆評審都唔同,要睇佢哋嘅口味。」

談到出席金像獎戰衣,她謂:「未決定呀,唔知形象設計師會準備啲咩畀我。我未攞過最佳衣着,所以呢排忙健身。(有腹肌?)不嬲都有。」