【小室哲哉徒弟】譚凱琪同陳敏之合唱

曾是日本樂壇教父小室哲哉徒弟的藝人譚凱琪（Zoie）出席《流行經典50年》，與同是小室哲哉徒弟的陳敏之合唱歌曲《下一站天后》，Zoie坦言已有十多年未有現場唱歌：「其實都放低咗唱歌十幾年，今次再唱要好有勇氣，當係一個聚會。係敏之同公司邀請我上嚟。（有冇為今次而練歌？）有，尋日同敏之夾過，不過我之前把聲傷過，就算講嘢都好易走音。以前拍旅遊節目，因為要帶動氣氛，所以我經常『捏』住把聲講嘢，原來咁係會整傷聲帶，我依家講嘢大聲啲或者激動少少都會走音，所以要搵老師練聲。」她又指自己練習還可以，但當面對現場觀眾難免怯場，更自嘲以前是鵪鶉，非常怕醜，現在膽子已經大了不少。至於會否想獻唱劇集主題曲？她說：「睇緣分，如果有機會會珍惜，但要努力練習。」

問到工作，Zoie透露正拍攝劇集《降魔的2.0》，幾乎每日都開夜班，問到是否再度飾演奸角？她說：「見仁見智，唔係奸，係可愛。」