隔16年再合體！阿Sa余文樂周勵淇冇變過

藝人蔡卓妍（阿Sa）、余文樂同周勵淇曾於2003年合作電影《下一站…天后》，相隔16年後，佢哋尋晚喺電影活動晚會上重聚，當然唔放過Reunion（重聚）嘅機會啦，阿Sa首先上載合照，留言：「今晚導演會春茗實在太開心喇！！所有電影工作者聚首一堂，仲有好耐冇見嘅老朋友。」

余文樂亦有上載合照留言話開心，而周勵淇就攬實老友阿Sa影相，仲恭喜阿Sa再次提名最佳女主角。網友見到佢哋重聚，除咗讚佢哋個樣冇變過之外，仲話回憶返晒嚟，好想再睇佢哋一齊拍電影添！