陳家樂為新戲學游水:點知唔使拍落水戲

2019年03月11日 17:41
東網電視
更多新聞短片
陳家樂為拍戲學定游水。

藝人陳家樂出席快餐店活動,他表示是最後一次落區參與,並透露之後會有不同界別的「家樂」接手宣傳。正於趕拍英皇電影《緊急救援》的他,大呻特意為新戲上堂學游水,但最後與落水戲無緣:「上年8月同林超賢導演見面,嗰時佢係做《廉政行動2019》監製,話之後拍《緊》要拍落水戲,先去學蛙式同自由式,仲諗住學識喺佢面前大顯身手。(你本身唔識?)唔係完全唔識,改番啲姿勢,同換唔到氣,但點知唔使我游水!可能佢冇諗到我喺短時間學到游水。」

拒同陳瀅合照真相

家樂表示拍《緊》令體能變好,因為每次拍攝都要Full Gear上陣,戲服及道具重量同真實差不多:「喺倉入面不停跑。(操出肌肉?)我不嬲都有,今次連彭于晏都冇得騷肌!」續透露之後會去墨西哥繼續拍攝兩星期,更會去荷里活經典電影《鐵達尼號》的廠房拍水底戲,問到是否因此減少與緋聞女友陳瀅聯絡,又追問到為何日前跑慈善活動縮沙拒合照?他解釋非縮沙,只是想留新鮮感畀觀眾:「遲啲《廉》會出街,宣傳嗰陣都會一齊見大家。(趁宣傳公布戀情?)冇戀情,只係普通朋友,聽日都會見到佢,因為要拍宣傳片。(多啲見面加深了解?)係囉!係囉!拍檔多啲見面可以培養默契,對拍戲有幫助,哈哈!」