要識講上海話？王家衛與梁朝偉合作成疑

導演王家衛與太太到尖沙咀出席《香港電影編劇家協會2019年春茗》。王家衛獲頒發「榮譽大獎」，現場更播出他的經典作品，在台上王家衛先感謝合作過的編劇：「服侍王家衛冇着數，隨傳隨到，24小時候命。」對於曾被指拍戲冇劇本，他趁機平反：「要多謝協會撐我，還我清白。」他還帶了《重慶森林》的劇本作證明，並說：「講咗咁耐大家可能懷疑有冇劇本，所以我帶咗啲證據嚟，我真係有寫。」

王家衛又感謝太太與兒子：「得到我個人，但係都得唔到我個心，有時連生日、喜慶都見到我眼定定諗緊嘢，多謝太太容忍我諗嘢嘅樣。」原來他喜歡在人多的地方寫劇本，當中包括咖啡店、茶餐廳、酒吧等。

兩個禮拜寫完《重慶森林》

而目前正在籌備新劇本《繁花》，他說：「我拍過好多香港題材，自己係上海人，但係未拍過老上海嘅題材，呢套《繁花》係《花樣年華》、《2046》嘅第三部曲。」 希望今年或明年完成劇本：「盡快啦，已經籌備咗四年，自己寫得最快嘅劇本係《重慶森林》，寫咗兩個禮拜，拍咗一個月。」

問到《繁花》會否邀請偉仔演出？他說：「未落實，演員要識講上海話，冇所謂，如果偉仔識講上海話都可以。」