男友發功爭開齋!蔡卓妍自爆提名係及時雨

2019年03月15日 23:32
東網電視
更多新聞短片
蔡卓妍冧爆話男友喺網上見到啲投票,就會即刻去投佢一票!

《第38屆香港電影金像獎》將於4月14日舉行,今年影后之爭相當激烈,蔡卓妍(阿Sa)憑英皇電影《非分熟女》飾演有性障礙的失婚女子成功入圍,繼《戲王之王》及《雛妓》後第三次衝擊影后!三度入圍背後,阿Sa原來曾有事業迷茫期,但每次提名都助她走出迷思,可說是其「及時雨」:「一個演員唔會為咗攞獎而拍戲,只會想做好角色,但有時真係需要一啲鼓勵,入圍確實係好大嘅鼓舞!演員到咗某個階段,好容易出現迷茫,需要有啲聲音令自己走出去,我好慶幸呢三次提名,喺我唔同嘅階段發生,每次當我去到樽頸位,就會出現一個提名,令到我有勇氣拍更多唔同類型嘅嘢。」

「呢套戲更有使命感」

面對好戲之人張靜初、來勢洶洶的曾美慧孜、菲籍演員Crisel Consunji和越級挑戰的余香凝,阿Sa笑言覺得個個都有機會,得獎與否要看評審的口味以及天時地利。對於今次「影后之爭」有甚麼優勝之處?她說:「對比我以前嘅入圍,呢套戲更加有使命感!因為我哋係申請香港電影發展基金嚟拍,你攞咗錢,當然好希望做到成績,有個交代!呢個基金真係好緊要,幫到好多新導演,亦令唔少新人加入。」

石恆聰長期做「煮男」

阿Sa問鼎影后,男友石恆聰當然高興,問到對方有否做些窩心事打氣?她甜笑說:「有啊!佢喺網上見到啲電影網站有投票,就會即刻去投我一票,仲問番我係咪咁投,驚投唔到,好搞笑!(有冇下廚煮嘢畀你食?)平時都係佢煮,我太忙喇!」為女友甘願長期做「煮男」,若然奪得影后、對方又求婚,問到會否答應雙喜臨門?阿Sa笑說:「呢兩件事都係我自己控制唔到嘅,唔答囉!」

化妝:Yannes lee@ndnco
髮型:Heibie Mok@hairculture
場地:Hotel VIC 海匯酒店

----------------------------
東網巨星開咗ig喇,大家快啲follow啦!
https://bit.ly/2JjSVcr