惡心慎入!湯怡猜輸包剪揼被迫食蟲

20190316
東網電視
更多新聞短片
湯怡要被迫食蟲。
藝人湯怡日前在社交網上載慘樣相,和兩張成碗都是蟋蟀及蠶蟲的相片,令人睇到打冷震,睇見都恐怖!她發文:「見到我個樣咁慘,就知道我係畀人迫緊做一啲我唔願意做嘅嘢,食食吓飯,朋友話去完泰國買咗手信,What?蟋蟀同蠶蟲?!?!之後仲拎咗兩隻四腳蛇嘅髮夾出嚟,我爭啲嚇到喊……佢哋一次過拎晒我最驚嘅嘢出嚟,點解要咁對我?」她又謂朋友話猜包剪揼,輸了要食蟲:「一包入邊有咁多隻,即係點都會輪到我食。尋晚食完,我今朝起身喉嚨好痛,作病嗰隻痛。」
之後她上載一條片,見她不情願地食蟲,食完掩住個口,表示覺得好惡心,又好想喊,認真慘慘豬!對此湯怡接受東網訪問時表示:「我好驚昆蟲,第一下心諗『搞啲咁嘅嘢』,咁大個女未試過,唔知點樣拎上手,平時見到小強都驚,同姊妹猜輸咗就要食,最後幾鋪加碼,我一次過輸咗要食10隻,結果食完第二日就病咗發燒!(心理作用?)唔關事,應該有啲人唔受得。」