浸溫泉騷身材 張加慧食極唔肥羨慕死人

2019年03月16日 07:10
東網電視
更多新聞短片
張加慧與好友到台中浸溫泉,展示誘人身材。

藝人張加慧已兩年沒有旅行,早前她跟幾位好友到台中旅行,講到今次目的主要是浸溫泉,而這間溫泉旅館是其中一位團友的朋友開設:「好開心!得到貴賓式招待,老闆親自帶我哋參觀,仲特別吩咐廚房煮啲特色菜招待我哋,老闆仲留咗間Villa(別墅)畀我同好姊妹享用,房間除咗環境優美之外,空間都好大,有兩張雙人床、按摩椅、茶几、梳化,仲有超大按摩池,室外有兩個私人溫泉,一冷一熱,非常齊全!所以即使落住雨,我同班女朋友都忍唔住要試試室外溫泉,影咗好多相同影片,好似拍緊旅遊節目。」

喪食被寸生積

另外,張加慧此行也試了很多當地名菜,包括甕窯雞、芋圓、滷豬腳和鱘龍宴等,並到了逢甲夜市一嘗網紅推介的蛋糕店,大讚非常好味:「最好笑係所有團友都笑我係咪『生積』,點解可以食極唔肥,我話全靠父母基因強大,因為佢哋都係食極唔肥,身形纖瘦,加上我有做開運動同跳舞,所以慶幸唔使點節食減肥。」