何嘉莉幫細女沖涼　二女傍實學做新手家姐

38歲女星何嘉莉（Lillian）日前誕下第三胎囡囡Raina，不過就因為囡囡黃膽指數偏高，所以要留醫照燈一日先可以出院，搞到一出世就要同媽媽暫時分開，認真陰功。而終於成功接囡囡返屋企嘅Lillian，當然唔敢怠慢，呢日佢就喺社交網甫出為囡囡沖涼嘅近照，相中見佢對Raina呵護備至，好溫柔咁幫佢洗身，而Raina亦非常享受，不時口擘擘咁，超級可愛！

而Lillian二女Zoe亦全程傍住妹妹，令Lillian大讚呢位「新手家姐」好盡責：「Baby Zoe咁快就變咗家姐，仲好專心望住妹妹沖涼，打算學識之後就幫手。」