表愛意激咀張景淳 呂慧儀畀亂入曹總嚇親

2019年03月16日 11:54
東網電視
更多新聞短片
好正!

藝人呂慧儀(長腳蟹)日前突然宣布離婚,幸得一班無綫劇集《愛.回家之開心速遞》嘅拍檔支持,近日佢似乎已放下傷痛,全程投入工作。話說唔少網友一向好Buy佢喺《愛.回家》內同張景淳組成嘅「龔水CP」,喺日前播出嘅一集中,佢哋兩個終於終於終於喺埋一齊喇!等咗歷時一年零三個月,佢哋先至正式拍拖,一班粉絲當然等到頸都長埋,有見及此,編劇都好識Do,特意安排咗一個激咀鏡頭,仲要有幾近影咁近,真係睇到大家心仔卜卜跳!

「龔水CP」難得有情人終成眷屬,網友開香檳之餘,同時亦好關心喺劇內追求呂慧儀嘅內地土豪「曹總」(劉一飛飾演)心情。呢日,呂慧儀就喺IG上載一段花絮片,片中曹總一見到呂慧儀,就突然彈出嚟話:「熊小姐!我終於等到你啦!」搞到呂慧儀嚇咗一跳,呂慧儀仲質疑佢冇緊貼《愛.回家》劇情,謂:「你唔好再等我啦,曹總!」

唔少網友睇完條片後都嗌過癮,仲話好期待日後呂慧儀同張景淳拍拖時,畀曹總棒打鴛鴦嘅劇情添!

----------------------------
東網巨星開咗ig喇,大家快啲follow啦!
https://bit.ly/2JjSVcr