單文柔心痛 陳展鵬劈竹棚失手嗌痛

2019年03月16日 12:14
東網電視
更多新聞短片
老婆都嬲豬喇!!

藝人陳展鵬現時正忙於拍攝無綫劇集《唐人街》,此劇主角除了展鵬外,男女演員包括陳山聰、姚子羚、唐詩詠等都要打到飛起,而且眾人都親身上陣,拍前特別上堂集訓,每人都有不同的秘技同招數,絕對令觀眾期待。

展鵬前日就拍攝一場劈竹棚的場口,看似好簡單,但實情絕不容易。只見導演一叫Roll機,展鵬就一手劈落多支竹棚,啲竹棚又大支又硬,更有一支差點扑中他的頭,難怪展鵬事後笑謂:「好彩擋得住,擋唔到又要縫幾針。」不過最好笑此鏡去到最尾展鵬本以一個型爆甫士結尾,但走出鏡頭後即揈晒手嗌痛,Fans即大讚他好cute!

拍攝期間展鵬都整瘀咗隻手指,幸好只是輕傷,不過懷孕中的太太單文柔已經相當心痛,更於社交網留言:「你小心啲可以嗎?」咪係!「小豬比」四月就出世喇!小心啲啦爸爸!