袁富華鏡頭後為愛努力:養到佢先可以娶佢

2019年03月16日 14:39
東網電視
更多新聞短片
雖然依家已經55歲,不過佢都依然有結婚念頭。

演員袁富華獲梁泰來的電台節目訪問,講到他去年憑電影《翠絲》勇奪第55屆金馬獎「最佳男配角」,在台上說得獎感言時,高調感謝其圈外管理層女友三十年來的支持,他憶述與女友的相識經過,原來兩人是因演戲結緣:「佢以前其實都係業餘演員,係由我第一個劇社識嘅,只係劇社完咗佢就唔再做,專心自己嘅工作,依家佢已係管理層,有好多下屬要管,都驚如果我公開多謝佢,會有好多麻煩出現,我亦都尊重佢嘅工作。」問到會否計較二人身份懸殊?他說:「雖然佢係管理層,但我哋都唔擔心計唔計較呢件事,如果計較嘅話,我哋早就散咗,就係咁樣先可貴,兩個人相愛,點解要比較呢?如果佢嫌棄我嘅話早就走咗。」

望與女友「執子之手,與子偕老」

現年55歲的袁富華,早已到了成家立室的時候,他坦言曾想過結婚,但堅持要有能力養女友才會結婚:「佢都好理解同明白我,我唔想多咗個經濟負擔,而且咁會阻礙到我嘅演藝工作。我要養到佢先可以娶佢,因為我錫佢,有啲責任我一定要負責。我唔會唔畀佢做嘢,只係我唔想所有負擔都係佢孭。」他亦笑言:「佢有試過喺經濟上幫我,我都唔知點解搵到咁好嘅女人,可能係我積番嚟嘅福!」問到會否生下一代?他說:「都已經過咗可以生下一代嘅時機,依家生嘅話好危險嘛!所以都係『執子之手,與子偕老』就算。」