瘦身不瘦胸！吳業坤距離目標體重淨5磅

歌手吳業坤（坤哥）現身商場宣傳四月尾舉行的「和懷念講再見音樂會」，現場率領四位年青人同唱，四月中開紅館騷的他，四月尾再為新歌宣傳開這個小型音樂會，坤哥也笑說：「一係唔嚟，一係打孖嚟，開心嘅，要宣傳新歌，搵咗呢班知音人做小型音樂會，自己做埋音樂監製。」對於小型音樂會亦首次兼顧幕後，自言有少少做前輩的感覺：「一直有諗，成日見到啲幾有潛質嘅靚仔靚女，好想一齊合作，想幫有夢想嘅人完成遺憾。」

現場播出他早前與何浩文到蘭桂坊街訪途人問人生有甚麽遺憾，坤哥讚好玩，強調好正經，做完街訪就離開。問他自己有甚麽遺憾？他說：「點解唔早啲節食，真係幾辛苦，如果早半年節食，就唔使依家咁慘！距離目標仲淨五磅。（會唔會瘦到連胸都冇埋？）瘦身不瘦胸，希望畀大家眼前一亮。」