切除癌細胞手術成功　鄧達智唔使做化療

時裝設計師鄧達智去年證實患上前列腺癌二期，第二度患癌的他，3月初動手術切除癌細胞，由於他事業心重，出院返家休息3天後，今日已復工到電台開咪，現場見他清減不少，精神有點疲倦，他說：「我做完手術已經瘦咗4KG，因為手術前一日禁食，做咗8個鐘手術，手術翌日亦要禁食，3日淨係飲水，第四日都只係食粥，都好嘅，乘機畀我排吓毒。」

他稱昨晚睡得不好，故有點倦容，提到手術後，不用做化療令他最感恩，他說：「切出嚟個腫瘤好乾淨，唔使做化療，之前嗰次腸癌因為係二期尾，雖然無擴散唔使打化療針，但要食化療藥，搞到頭髮白晒又甩頭髮，好辛苦，今次好彩唔使打針食藥。」完節目後，他還相約伴侶陳梓欣用膳，他說自行戒牛肉、雞肉、蝦蟹，連雞蛋也戒掉，他說經歷大病後，第一件最想做的事，就是與陳梓欣回家煮飯食。

他又透露手術連檢查費用，共花了80萬元，保險亦不能全Claim，問到最現實問題，入院前有否立定遺囑，他說：「唔係特別為今次，自己一早已經立咗平安紙。」完成手術後，他說將會輪到膝蓋問題，痛症一直未痊愈，他入院抗癌時，也只好在膝蓋打定透明質酸，減少痛楚，但不能治本，性格樂觀的他，已計劃年底獨自去旅行，去加拿大和古巴，他說：「我返加拿大探我個姪孫，我姪仔生咗個BB，好得意，我做咗大伯公。」