趁老婆唔喺香港 杜汶澤車長髮女返歸夜會

2019年03月16日 18:23
東網電視
更多新聞短片
阿澤你…

藝人杜汶澤與田蕊妮結婚14年,一直彼此扶持,可是阿澤趁老婆近日離開香港到東京開工,就帶女夜會返歸。昨晚11時許,阿澤的座駕駛至灣仔,赫然發現車內坐着一名長髮女,阿澤之後到便利店買嘢後,兩人一車直奔阿澤和阿田愛巢康樂園。

當駛至康樂園閘口,記者上前拍照,二人一臉驚惶,長髮女更加驚到震,登時耷低頭消失鏡頭,阿澤見狀爆粗大罵:「你咪X耷低頭!」女方才慢慢抬起頭來,問阿澤「個女仔係邊個?」、「點解帶女仔返屋企?」、「趁老婆唔喺屋企帶女返嚟?」等問題,他沒有回應,然後直駛入屋苑內,之後都未見有離開。弔詭是阿澤在凌晨1時20分上載一班人在他家Gathering相,擺明為自己澄清。

阿澤今日單拖去做Gym,問他「長髮女是誰?」、「阿田認識長髮女?」及「阿田知道你帶女返屋企?」對於這三個問題,他即回一概回應說:「我梗係唔會話你知啦!」

可能是知道事態嚴重,他做完Gym後即解釋長髮女是馬來西亞拍攝團隊的化妝師,他說:「大家都好Friend,尋晚其實前後有兩架車,大家玩到三點就走!」問阿田是否知道此事?他說:「佢知,唔知就死梗!」