老公加國開5間餐廳!袁彩雲自誇廚藝了得

2019年03月16日 19:36
東網電視
更多新聞短片
做幸福少奶奶!

定居加拿大的藝人袁彩雲近日返港,今日她帶同女兒出席活動。她稱此行主要是探親及辦理稅務事宜。她表示:「我雖然唔喺香港住,但因為喺香港有物業,所以都要交稅。(政府追你稅?)佢追我份報稅表。」問到會否回港居住?她坦言應該不會,因為老公的生意都在加國。她表示:「其實我好想囡囡喺香港學好中文,之後再去外國,不過唔得,老公喺香港冇生意,但囡囡喺加拿大有學廣東話同國語。」

彩雲透露老公在加國有5間餐廳,問到老公是否廚藝了得?她笑言:「佢有我好幸福,我以前都以為佢開餐廳一定識下廚,但佢只係識試食,好嘴刁!所以訓練到我嘅廚藝咁好,我最叻係煮潮州菜,因為老公係潮州人,我同奶奶一齊住,係奶奶教我,佢好叻!不過佢年紀大有心無力,所以由我學。我雖然冇百分百,但都學到奶奶9成,奶奶都食得好滋味。有我會親自下廚煮潮州菜招呼朋友食飯,幾有滿足感!」她又大讚奶奶是易相處之人,自覺十分幸運。另外,她指四月中便返回加國,之後會到馬爾代夫旅行,並已準備了10套泳衣,現要努力減肥。