合唱成績好 古巨基自薦做胡定欣歌曲監製

2019年03月16日 22:59
東網電視
更多新聞短片
基仔同定欣嘅合唱歌獲好大回響,佢哋今日仲即場演繹!

藝人古巨基(基仔)、胡定欣到將軍澳電視城出席籌款節目《博愛歡樂傳萬家》,基仔與定欣首度在現場合唱歌曲《亂世情侶》,他們表示去年推出單人版後得到不少回響,有粉絲要求MV女主角定欣合唱,於是在很短時間內成事,並於情人節派台,成績很好。基仔直言想起當年大熱作《愛得太遲》:「我成日同定欣分享住《亂世情侶》成績,得到好多音樂平台嘅冠軍。」定欣表示之前主力拍劇,唱的也是劇集歌:「都希望自己可以唱多啲歌,今次喺錄音室學到好多嘢。(出碟?)太遙遠!想出多隻歌。」基仔即表示可以擔任她的歌曲監製。

講到今次錄音,定欣表示自己先錄,而當時基仔突然到場,令她非常緊張。不過基仔就對定欣讚不絕口:「定欣好鍾意唱歌,為咗半首歌專登搵老師,仲錄咗兩日。」