為着傳統服飾節食　周嘉莉任潑水節親善大使

藝人周嘉莉、葉芷如獲邀成為泰國潑水節親善大使，日前出席活動時，二人齊齊穿上泰國傳統服飾示人，認真應節。嘉莉對於能夠成為大使而感到相當榮幸：「好開心有咁嘅機會，我都係第一次着泰國傳統服飾，之前仲專登節食咗幾日，希望着出嚟會更靚。」她又指雖然未試過到泰國親身參與其中，但知道泰國非常重視此節日，希望下次可以親身感受。

嘉莉透露今年成為大使後會到九龍城感受節日氣氛：「會約埋朋友一齊嚟玩吓，到時會有好多泰國小食攤檔，盡情享受玩一日。」