窮剩幾百蚊！B.Gs霍柔心唐菲三餐捱米粉

女子組合B.Gs的成員霍柔心（心心）與唐菲（菲菲）感情要好，兩人同時入行經歷過一段捱米粉的日子，她們指兩年前初入行做練習生時由於收入不多，所以非常節儉，試過銀行戶口只剩下幾百元，兩人一日三餐只能躲在宿舍食米粉，心心說：「杯麵都嫌貴，一包米粉四蚊都唔使，一日只不過係十二蚊，我哋食足一個月米粉。」

除了慳住食，她們更有衫兩份着，菲菲說：「我哋會花好多心機喺衣服配搭方面，幾件衫不停咁mix & match，着多幾次都唔覺，置裝費都慳番唔少。」雖然現時兩人工作量增多，收入亦隨之增加，不過她們都堅持不會胡亂花錢，因為她們明白娛樂圈收入不穩定，所以寧願放棄享受，多留點錢給家人，認真孝順！