楊潮凱囡囡一歲喇!洪永城贈5位數大利是

20190317
東網電視
更多新聞短片
咁多哥哥姐姐賀生日,Catharine一定最開心!
藝人楊潮凱愛女心悅尋日一歲生日,佢同老婆為囡囡舉辦粉紅色生日派對,相當有心思。圈中人緣甚廣嘅楊潮凱,邀請唔少好友為寶貝女一齊慶生,包括周柏豪、洪永城、譚凱琪、麥明詩、羅天宇、周志文和周志康等。好多星爸星媽仲帶埋小朋友去同樂,場面非常熱鬧。
去到切生日蛋糕時,壽星女心悅可能等得唔耐煩,突然大喊,反應非常搞笑。楊潮凱隨後喺社交網多謝咁多位朋友出席:「感謝咁多位Uncle Auntie 到來Catharine BB 一歲生日party。謝謝你們給Catharine的愛!」
不過講到全場最有心,就不得不提洪永城喇!話說原來佢講咗去探BB講足一年(合理懷疑今次先係佢同心悅第一次見面),可惜一直未有時間,今次生日,佢就送咗條拉薩買嘅黑瑪瑙手鏈,希望幫心悅招來好運同幸福嘅能量,佢仲加封一份5位數大利是,認真唔話得,佢話喺社交網留言叫心悅大個咗問Daddy攞番,唔好畀楊潮凱攞去旅行,非常搞笑。