日啪十幾隻蛋！黃榕盼增至100磅練蜜桃臀

藝人黃榕將於4月中再次參加健美比賽，今次將參加「Global Classic比堅尼小姐」及「美臀小姐」兩項賽事。最近正積極備戰的她身形弗到漏，問她有何練習及訓練秘訣？她表示：「我依家每星期都會做5日重量訓練同練習Posing，今次希望比上次比賽更大隻，所以每日會吞十幾隻雞蛋，每餐食兩大碗白飯，希望可以增磅成功。（目標係幾多磅？）100磅，人生從來未試過超過100磅，暫時都係去到99磅。」她亦謂今次是首次參加「美臀小姐」：「依家每日做臀推200吓，希望屁股可以再大再挺，目標係希望擁有黑人咁又巨又挺嘅蜜桃臀！」