上年撞車有手尾　歐詠寶玩街訪好受歡迎

藝人歐詠寶（Yogurt）日前受邀擔任網台節目的嘉賓主持，走進街頭與年輕人大談創科發展，女神果然不同凡響，很容易便邀得青年受訪，其他兩位節目主持也甘拜下風，向女神寫個「服」字。Yogurt在節目分享近況時表示：「近來主要拍攝微電影工作多，但由於去年11月時發生咗一宗交通意外，我要暫時要覆診同處理車禍中嘅事，所以短暫會減少一啲工作，遲啲就會回復正常嘅工作量，好期待快啲同大家見面，今次可以幫節目做嘉賓演出，係我最難忘嘅一次演出，學識好多主持上嘅學問同技巧。」