同黃寶欣出新歌　黃翊自爆唔敲鋼琴玩敲…

歌手黃翊到將軍澳電視城出席籌款節目《博愛歡樂傳萬家》，早前他身體不適入院吊鹽水，他表示是生病兼腸胃炎，綵排時聲線亦有些失準，但開騷前狀態轉好，問到是否過勞所致？他說：「都唔可以咁講，上年十月中開完騷，之後都係做宣傳，將會同黃寶欣有隻新歌《A Second Chance》。」

黃翊表示很開心跟幾十年好友黃寶欣再合作，直指兩人很有默契，問是否出盡牙力說服對方出山？他說：「開頭都有，佢未必想再面對鏡頭，都一段時間冇唱，我就畀正能量佢，佢真係好唱得！佢以前同鄭敬基首《酒杯敲鋼琴》唱到街知巷聞，希望我哋首歌都有咁Hit啦！（咁你同佢敲咩？）佢敲我個頭囉！佢錄音好有感情好有意見，我就成日冇咩主見，有時我錄先，佢之後就會敲我個頭問我做咩錄咁耐。」