寵夫狂魔！楊丞琳現身睇李榮浩巡唱閃盲網友
20190317
東網電視
更多新聞短片
楊丞琳去咗睇李榮浩巡唱嘅首場上海站！
台灣歌手楊丞琳（Rainie）同男友李榮浩愈愛愈高調，Rainie前年為男友嘅首個台北小巨蛋個唱擔任嘉賓，李榮浩當眾一吻令唔少粉絲到依家都仲印象深刻！早前Rainie公開喺網上為男友宣傳世界巡迴演唱會，仲話諗緊睇邊場，尋晚終於開估，原來佢去咗睇首場嘅上海站！
Rainie喺社交網分享相同片，透露自己去咗睇男友嘅演唱會，留言：「This time is no exception.Here I am.As usual～（我一如以往在這裏，這次也不例外。）」相入面見到佢影咗舞台字幕「晚安吧，我摯愛的所有」，正正係男友歌曲《我知道是你》嘅歌詞，仲甜蜜Tag埋男友同用hashtag幫對方宣傳演唱會。
網友見到Rainie又公開放閃，都好激動咁留言：「墨鏡呢？快給我墨鏡！」搞笑表示再次被「閃盲」！仲有網友封佢為「寵夫狂魔小楊」，乘機催婚叫李榮浩快啲娶Rainie返屋企呀！
----------------------------
東網巨星開咗ig喇，大家快啲follow啦！