預告為警匪片開工!甄子丹點解揀喺香港拍?

2019年03月17日 14:41
東網電視
更多新聞短片
甄子丹同太太汪詩詩認真Sweet!

「宇宙最強」甄子丹與太太汪詩詩今日現身沙田馬場出席2019《寶馬香港打吡大賽》,作為打吡大使的子丹表示會與太太一同投注:「會玩吓,會落1000蚊,都係細細哋玩參與吓,我太太就會落注大啲。(覺得自己眼光點?)都Okay,不過眼光都唔係剩睇落注,睇我身邊嗰位就知,我眼光好揀到個好太太。」

良駒係屋企一分子

問到會否再做馬主?詩詩說:「可能遲啲,因為最近都好忙,忙緊唔同工作,同埋養一匹良駒都要畀好多時間去支持佢,都係Part of family,而小朋友亦鍾意睇佢哋,不過只有周未時間。(小朋友識唔識策騎?)只係Just for fun會騎吓,唔係好識。」

馬術有歷史有價值

子丹則認為養一匹良駒是一個重要責任:「唔係話畀錢買就得,都要畀關懷同愛心,需要好多嘅心血,我哋咁忙驚冇咁嘅時間,對良駒都唔好。(會唔會驚小朋友策騎危險?)凡係專業同激烈嘅運動都有機會危險,最緊要小心,自己嘅技術同埋安全措施做得好,好似踢波都會扭傷隻腳,我哋拍戲都會受傷,睇吓自己點Handle技術。好多外國小朋友都會策騎,雖然外國地方大,但香港新界地方都可以玩,係親子樂嘅好活動,同埋馬術亦係一個有歷史同價值嘅運動。」

望可呈現新元素

另外,子丹透露將會開拍警匪片,今次與陳木勝導演共同監製:「會喺香港拍,最初籌備劇本時都想喺香港發生,咁自己又可以多啲時間陪屋企人。」又指今次都是打角,望可呈現新元素予觀眾:「不過年尾都接咗部唔使點打嘅戲,亦係一個好好嘅劇本。(主要談情?)我覺得打嘅戲都會有,始終人都係個血肉之軀,離唔開有感情。(自己有冇份投資呢部戲?)都有啲,不過就唔透露,最主要都係英皇楊受成先生。」

----------------------------
東網巨星開咗ig喇,大家快啲follow啦!
https://bit.ly/2JjSVcr