4月出發Honeymoon 湛琪清爆老公心急生B

2019年03月17日 15:25
東網電視
更多新聞短片
Jessica單拖出席活動。

藝人甄子丹太太汪詩詩的表妹湛琪清(Jessica)今日出席2019《寶馬香港打吡大賽》,剛榮升金太的Jessica談到其新婚生活,她說:「好開心,因為早前籌備結婚時,覺得老公係一個好annoying嘅人,因為嗰時搞婚禮佢過分幫手,有好多意見,搞到我覺得好煩,不過佢都係一個好好嘅老公。(佢係一個追求完美嘅人?)係呀!令我都有壓力。(啱啱結婚就覺得佢煩?)依家冇喇,係結婚前搞婚禮時有呢種感覺,因為佢係比較有多諗法嘅人。」

談到與老公金承威還未去度蜜月,Jessica指計劃中,可能會4月出發:「自己鍾意有海灘嘅地方,想游水、曬太陽同食唔同美食,老公都好鍾意去陽光與海灘嘅地方。」

問到何時計劃生B?Jessica笑言老公相當心急:「因為佢覺得我中文好差,想我同BB一齊學好中文。不過自己好驚講錯輩份名,好似奶奶老爺都講咗好耐先慣,同埋自己講得好差,好似講粗口咁,所以畀老公幫我執正,同埋佢都會教我,不過佢覺得我學得最快應該係有小朋友時,因為同佢哋一齊學。(到時你哋分工,老公教中文,你教英文?)可以喎!希望嚟緊中文會好啲。」她又指對造人計劃順其自然,男女亦沒有所謂,又表示老爺奶奶沒有催,想他們先享受二人世界。